اكلات من التراث

من طرف **Amer** الخميس فبراير 11, 2010 10:46 am

السلام عليكم ( اكلة الخبزه المرفوسه بالقازول)اليوم راح نعلمكم اكله حلوه وشعبية وكانت امي الله يرحمها ويرحم امهاتكم
المهم كنا ساكنين في دار (حفر والسقف من اغصان الزيتون)(الصنور)قديمه :D اللهجه وكانت الولده الله يرحمها تنهض بكرى من النوم كان الفجر مايفوتهاش رغم الصقع(صقع عليك) :arrow: والماء المتلج :roll:
المهم كانت تولع الكينون وكانت مجهزاته كويس ومطيناته مليح (مش بالتطين المصري)وتصلي الفجر وتتوكل على الله وتعجن خبزة الشعير (وهاذيك الدار تبداء غابقه علينا من الدخان وبعد ما تطيب النار (كيف النارتطيب) :!: مش هي الى تطيب افهم :affraid:
وتحط هاذوك الجوابير واحد بعد الاخر (جابور) :?: وبعد ما يطيبو تطلعهم وتحطهم في صينية انضني (عود) وهما سخونات تصب عليهم شوي زيت زيتون وشوية لوسه وكيشيك ازول (وفيه اللى يقولوه قازول) وتبداء تمرس فيها بيدها وكانت حطت براد الشاهي على النار والوالد الله يرحمه بعد ما صلي الفجر حاضر حط باكو الاطلس قدامه يستنى في الطويسه
ويطيب الشاهي وتمدله الطاسه هو الاول ويولع سبسي اطلس وتعطينا احنى الخبزه المرفوسةوناكلوا ونستعدوا للمدرسة
اللـــــــــــــــــــه ياحسره على طعمة الخبزه والقازول وزيت الزيتون واللوسه العربيه
ومن عاد يقدر ايديرها بالمواصفات مستحـــــــــــــــيل