العين لوجت لكردمين نظـــرها *** سقط دمعها اولا لقت من صبرها

هذه قصيدة للشاعر المرحوم علي مسعود بوراوي من القواليش الذي بقي بالقواليش بعد سقوطها سنة 1922م في يد الطليان وهاجرت القواليش للقبله وهو يتحدث عن منطقه بالقواليش تسمي كردمين
العين لوجت لكردمين نظـــرها *** سقط دمعها اولا لقت من صبرها
العين لوجت لالعبـــــــــــــــــره *** اوجدد عليها الجرح موش ابيبره
اوصبرت قلبي موش نافع صبره *** الحيين والميتين بيعمرهــــــــــــا
اللي انسر في الخوت قلت جـبره *** عليه مخوحشه او لاعاد بيعمرهـا
اللي ما وراه ارجال من يعـــتبره *** اتبان حاجته اويصعب عليه خبرهـا
-------------
العين لوجت مليانــــــــــــــــــــه *** امجاير عليها الظيم من عدوانــــــــا
وجار وحش هللي حاميين قفانـــا *** وقعاد كان الذيب في موكرهــــــــــا
احنا بعدهم هانا مثيل انسانـــــــــا *** تحت المضايع حاملين غدرهــــــــــا
اولا من لفي منهم اولامن جانـــــا *** فظّ علي المتوحشين كدرهــــــــــــــا
---------------
العين لوجت للحفــــــــــــــــــــــــه *** سقط دمعها اولا القت باش اتكفـــــــه
اوفقدت قصير العمر وين توفـــــى *** اللي ذراعه كان العدو حيرهــــــــــــا
حبيب يوجعه حال العرب وايشفـــه *** ينده أرجال الله وايحضرهــــــــــــــــا
اتجي كيف ضاري انجوعها بالضفه *** اتوقف حدايد ملكها وشجرهــــــــــــــأ




وهذه قصيدة اخرى يتحدث فيها عن نفس المنطقه وعلي عدم القدرة علي زيارتها
حبيب ما ايشفه كردمين خلاهـــا *** اليوم وقت ما كهب بعيد رجاهــا
كهب بعيد او ولــــــــــــــــــــــى *** رقب تاق من راس الحجاف و ولي
اولامن فتح فيها خزين او حلـــه *** اولا كيف ضاري فرجها وهناهـــا
مكتوب من مولاي وامر من الله *** وان شاء الله قريب الفرج يا تا هــا
مكتوب بامر العـــــــــــــــــــالي *** راحوا انجوع امسدده ونزالـــــــي
اوماذا من اللي مات واللي جالي *** واللي قعد ما حاط في ردّاهـــــــــا
اليوم وقت ما كهب عليها والـــي *** او لامنوا جايب كردمين نباهــــــا
اليوم وقت هي هكـــــــــــــــــــه *** اليوم وقت في حـــال الكدر تشّكّـي
علي الله ما بعد الغلب والفكــــــه *** اتهبهب ارياح النصر يا مولاهــــا
اوفرج عللي قاعده تتبـــــــــــكى *** وتلمها لخوتها وانساهـــــــــــــــــا
***************
حبيب ما ايشفه دايــــــــــــــــــــا *** حبيب موش يغرد غرد كيف بكايا
علي خوت راحوا في السرير هتايا *** لا من لفى منهم اولا ريناهـــــــــا
يالله ننده فيك يامولايــــــــــــــــــــا *** اتجيب الهوايا بالعجل تاتاهــــــــا
***************
اليوم وقت من طايلهــــــــــــــــــــا *** اليوم وقت راحوا ارجالها واهلها
عطت حقها امنين العدو قابلهـــــــا *** ذريريت زارت جايبين ثناهـــــــا
نهارين قعدوا طالقين عقلهـــــــــــا *** اوحلفوا قليل الدين ما يهواهـــــــا
ثاني مشوا ساقام بمراحلهـــــــــــــا *** او لمحال من شرقا اومن غرباها