مالاه وطن العز

[ندعوك للتسجيل في المنتدى أو التعريف بنفسك لمعاينة هذه الصورة]

الشاعر عبدالـله عثمان ألزعيميه من الصيعان يصف واقعه
من أحداث سنة 1921 من وجهة نظره

قصيدة رائعه وكلمات اروع اتمني لكم الاستمتاع بها كما
استمتعت انا تامل الابيات الملونه

رحم الله قائلها واسكنه فسيح جنّاته
[ندعوك للتسجيل في المنتدى أو التعريف بنفسك لمعاينة هذه الصورة]

مالاه وطن العز سيد بناتـــــــــه
*** راحت جوالي بروسها وخلاتـــه

بيد احيــــــــــــــــــــــــــــــوطه *** ياطيح سقفه او معطنه ياموتـــه

بر الولد والشابه الخرخوطــــــه *** بر الغلا والزين في رشاداتـــــه

راحت جوالي منه فوق او لوطه
*** في سوق باطل وكرها زازاتـــــه

في سوق ماله سيــــــــــــــــــــه
*** لافي مساق البل لا شاويــــــــــه

دبارة عديم الراي والذريـــــــــه
*** واللي شهى الزيدان
لمعاشاتـــــه

سكار ماتدري علي عقبيــــــــــه
*** بدفع الكوارط وطنها
باعاتـــــــه

لولي المعاش او هيـــــــــــــــلــه *** او
لولا دباير ولد بو برطيلــــــه

كان وطن جامل شي ما طاريلــه
*** اوظاهر ايخيوه من حيات اباتــه

من الكارطه اللي خذوهــــــــــــا
*** كيف قال ديروا ادبارته داروها

لقي ناس رقصت وقت ما خشوها
*** جدبت بلا بندير
للعياطـــــــــــه

ارقاب مسلمين لبعضها لزوهــــــا *** في
سوق باطل شي ما داراتـــه

يجروا علي لفتان لين كلوهــــــــــا
*** اوكل من جرى عن شر حاز بلاته

رقدت اكبار الوطن وترزوهـــــــــــــــــــا ***
اوكسروا شرف نـاموسهم وتواطـــــي

قعدت اغرف امشققه زازوهــــــــــــــــــا ***
ملوح قعد مجروحهم صبراتـــــــــــــه

اوقعدت انساهم للعدو دالوهـــــــــــــــــــا ***
مورزع دبشهم غالب اللقاطــــــــــــــه

عمله كبيره باش بتداووهـــــــــــــــــــــــا *** ذر
ذركم يقعد اف عار اباتـــــــــــــــه

تقعدلكم عــــــــــــــــــــــــــــــــــــــــزاره ***
لحي من ظراري جيلكم واصغــــــاره

خذوا وطنكم لباسة القـــــــــــــــــــــدوارة *** اف
مشوار مابين الضحي وصلاتــــه

هالعار فيما فات لامــــــــــــــــــــــن داره *** في
اخرب شينه او كاف وابلاداتــــــه

فاتوه جمله ناسهم تجـــــــــــــــــــــــــاره ***
بسلاح ما يعطلش في اعماراتــــــــــه

اللي فيه كانوا اجرودهم كركـــــــــــــاره ***
الواحد ايطول شبر في شوكــــــــــاته

عيو يعلفوا في الفلس للزكــــــــــــــــــاره ***
عيوا ايدقمزوا ما بين هزازاتــــــــــه

عيوا يقعدوا امواعيد عالمنقــــــــــــــــاره *** يتفرجوا عل لون
حفالاتــــــــــــــــــــه

وانسوه لاواحد عرف
بكــــــــــــــــــــاره *** لامن صبر
لحق عقاب بناتـــــــــــــــــه

في قلوبكم ما عادش المـــــــــــــــــــراره ***
راحت تريس الفتن وكلاحاتـــــــــــــه

اوبين النزالي خيلكم سيــــــــــــــــــــــاره ***
واللي خطم زاز الحديث انساتـــــــــــه

لواه خيلكم تسّـــــــــــــــــــــــــــــــــــــــير ***
اوكن تفهموا فيكــم اقلوب تغيــــــــــر

ايكل وطنكم بالنار لين اجيــــــــــــــــــــــر ***
تنجب شجركم بالعمـود خلااتــــــــــه

واللي استحق في كـــيل مــنكم ميــــــــــــر ***
غيزات في وسط الغرف خلااتــــــــه

اوقداش نحسبلك دبش امصيـــــــــــــــــــر *** شيّ
ايكيد الاسم في سماواتــــــــــــــه

اوقدش من صفحة جمل متخيـــــــــــــــــر ***
اوقداش خيالي قعد في ارباطـــــــــــه

اوقدش زازوا من لباس امنيــــــــــــــــــــر ***
اوقداش دورو ذهب في سنزاتـــــــــه

اوقداش خلوا من جنين اصغيــــــــــــــــــــر *** من
الخوف والشرقه قعد في قماطــه

اوقداش طفله اتمسها تتغيـــــــــــــــــــــــــر ***
عقبت من الجريان ما طاقاتــــــــــــه

لامن لهد في اجلالهلاديـــــــــــــــــــــــــــر ***
لامن نزر استانست بلغاتــــــــــــــــه

اللي ايطبها يخطم ايفوت امتيـــــــــــــــــــر ***
مرعوب من فوشيكهم يتواطـــــــــــه

الموت عند ربي والسبب امسيـــــــــــــــــر *** والذل
كشفه والهروب شماتــــــــــــــه