سؤال ايدور في اجابه

علاش انحطوا في الطنجرة فوق النار؟
بش نصبو فيها الاكل ويطيب براحته

لوكان ينزل عرجون البلح من النخله
شن بيصير؟
مش حيصير شي

كا ن شميت الشوا عند جارك شن اتدير
نقول اللــــــــــــــــــــــــــــــــــه عالصنه الفايحة

الواه نمشوا مع الطريق؟
لأنها ترفع وتجيب ؟؟؟؟؟

فيه قطوس امكسد اوحاط ايده علي خده
الواه؟
هو القطوس عمره كله وهو مكسد لاشغل لا مشغلة

لوكان الذيب ايدير غنم شن يعلفها؟
مايصبرش بش يعلفها ياكلها طوووووول

راجل مات وعمره اربعين عام وعنده
ولد عاش ثمانيين عام منهوا اكبر؟
؟؟؟؟؟

شن فايدة الكرناف للنخل؟
اول مرة نسمع باسمهه (الكرناف)!!!!!!

علاش البازين اسمه الستار؟
اكيد لما الواحد يجيه ضيوف ينستر قدامهم بقصعة بازين

ايقولوا الجمل ما عنداش مرارة صح
والا غلط؟
من الناحية العلمية غلط
ولكنه كناية ان الجمل اكثر حيوان صبووووور ويتحمل

فكرونه وغزال يمشوا بسرعة مائة
كيلومتر في الساعه قداش يبغوا باش يقطعوا مئتي كيلو متر؟
ساعتين؟؟؟؟ الفكرونة .....مستحيل

شن اسم النخاله والنسافه اللي تطلع
من الشعير بعد طحنه ؟
نخالة أ ونسافة !!!!!!!!!!!!!!!

علاش ايقولوا لكان الزعتر دواء مامات حمار بالذيب

القزاح شجرة والا نبات والا شجيرة
؟
لا ادري

فيه مثل ايقول وين حط الغراب
اصغاره شن يعني؟
مكان ما حد يقدر يوصله (على قولت الوالد))))
علاش الثومه ما فيهاش نوار؟
لان ه ليس له فائدة للثومة

الباصور يوضع فوق الجمل لنقل
العروس. هل الكتب راكب علي الحويه والا لا؟
؟؟؟

ألواه سموا العصى مسواق مش سواق؟
لانها جماد ولاتقود الشخص


ايوصوك في البيت علي حاجة من السوق
اوتنساها شن السبب؟
ما عمره وصوني علي حاجة من السوق الحمد لله
لكن كان تصير من ذهاب الشيرة زي ما يقولو

علاش انحطوا في الطنجرة فوق النار؟
الجوع هو السبب


لوكان ينزل عرجون البلح من النخله
شن بيصير؟
عطيه نص ساعة وبعدين تعالى عد النوا



كا ن شميت الشوا عند جارك شن اتدير
انتغشش هلب بالذات كان جنبى الصغار وافلوس ما فيش


الواه نمشوا مع الطريق؟
لأننا نبحث عن المالا نهاية


فيه قطوس امكسد اوحاط ايده علي خده
الواه؟
الكلاب حاشاكم نقصوا معادش فيه والباقى القطوس عمره ما ايكسد


لوكان الذيب ايدير غنم شن يعلفها؟
احد المرات سئل الذيب ما رأيك ان تكون حارس للقطيع فرد قائلا{ما انظنى هالحلمة اتسير}


راجل مات وعمره اربعين عام وعنده
ولد عاش ثمانيين عام منهوا اكبر؟
سامحنى فى الرياضيات ناقص اشويه

شن فايدة الكرناف للنخل؟
يحمى العراجين وقلب النخلة


علاش البازين اسمه الستار؟
مافيش حاجة بتخلى الضيف جوعان خطى البازين


ايقولوا الجمل ما عنداش مرارة صح
والا غلط؟
لا اعلم لكن لااعتقد لان وظيفة المرارة معروفة


فكرونه وغزال يمشوا بسرعة مائة
كيلومتر في الساعه قداش يبغوا باش يقطعوا مئتي كيلو متر؟
لا اعتقد ان الغزال والسلحفاة عندهم القدرة على قطع هذه المسافة وبهذه السرعة

شن اسم النخاله والنسافه اللي تطلع
من الشعير بعد طحنه ؟
اقطاعه وكانت مضرب للمثل {عايشين على اقطاعه}


علاش ايقولوا لكان الزعتر دواء ما
مات حمار بالذيبه؟
الحمار شادها فى جرة الزعترديما


القزاح شجرة والا نبات والا شجيرة
؟شجرة


فيه مثل ايقول وين حط الغراب
اصغاره شن يعني؟
مكان يصعب الوصول اليه


علاش الثومه ما فيهاش نوار؟
لا اعلم


الباصور يوضع فوق الجمل لنقل
العروس. هل الكتب راكب علي الحويه والا لا؟
لا اعلم


ألواه سموا العصى مسواق مش سواق؟
هى التى تسوق الدابة


ايوصوك في البيت علي حاجة من السوق
اوتنساها شن السبب؟
الحمد لله عن نفسى الذاكرة كويسة
اعتقد انه اختبار لتقييم الاتى {العمر_التقافة_المؤهل }
شكرا على هذه الفكرة وخصص لنا مسابقة كل ليلة فى رمضان