ابيات يتيمه

بعض الشذرات الشعريه والابيات اليتيمه التي تواردة علي العقل في لحظة ما فكتبتها لكم علكم تجدون فيها ما يروقكم

فيه من خذاها حصته بالوافي=أوفيه من قعد جربان طول حياته
أوفيه من تعالى صار حاله باهي=أوفيه من شريكه الفقر لين أماته
---------
//////////
****
كانك اتعبت من الزمان اوظيمه=ماهو احصان اتديرله شكيمه
سلم امورك ما تعاند ربك=لاتقول حظي لاتقول ظليمه
----------
//////////
****
عليك وقت متخلبص او حال امخبل=اوكلمة صباح الخير شي ايهبل
فيه من سرق من خان راجل باهي= او من خاف ربه بالقيود امكبل
----------
//////////
****
لهدنا جرينا ايامنا سبقتنا = ايام عمرنا راحت مشت خلتنا
ايام عمرنا راحت او سقدناها =اوشور القبور بقصرها كرتنا
-----------
//////////
****

فيه منو شُعلت نار فوق العالي =أوفيه من هبا عدى سفاه الواري
الحي حي لكنتي حياة العازه =اوفيه منو مات اوصمعته في العالي
--------
//////////
****

لاعاد يرجع من خذاه المولى =اللي مات عدى اوسقدوا مرحوله
اوسافر سفر ماعاد يرجع منه= اوعدى اتراب القبر درق زوله
--------
//////////
****

انخمم وانفكر في كلام الشور ابعد=القيته وتقاصى عالعين او عدى فات احدود الرد
اوواجد تاخذني لحلام تزيد نكد =اونبدى نحسب في ليام اونسهر ليلي ما نرقد
****
****
ليام تختل والسنين غريبه =والعمر لبنادم قصير او فاني
لاينشرى بالمال لابالويبه =لايزيد لاينقص قدر رباني
والموت تترقب بدت قريبه =لابي مرض لاطفل لاشيباني


قلم ابن الباديه في 25/8/2010ِ