ذكريات شاعر للشاعر سعد الشتيوي

اليوم
نهديلكم قصيدة رائعة من روائع الشاعر سعد الشتيوي

والتي
ارجوا ان تنال اعجابكم

بعنوان

ذكريات شاعر

تقول
الكلمات

غزالة جبل ما تعاشريش مدينه ** من الحشر مذباله
بدت مسكينـــــــه

داروا عليك حـــــــــــــــــــراسه** وحوش مرتفع الفوق عالي ساسـه

وناسك ايشكوا انفوسهم ولهاسه** يتكدروا كانه قداهم جينــــــــــــــه

مع الصبر يتطلب شوي سياســـه** الغير يدعي واحنا انقولوا ليـــــنه

غزال جـــــــــــــــــــــــــــــــــــبلنا** قريب كان منزلهم احذا منزلنــا

يه ما حكيت امعاه ماقاللـــــــنا ** وقفنا اف ركن الحوش وزياتينه

نتفكروا في اللي مضى مازلـــــــنا ** تبسيمته
وشبحت قدايا عيتـــــه

كنتي زمان تطـــــــــــــــــــــــــــلي ** مع
الفجر بكري تظهري وتولــي

وانت كما لون القمر تجللــــــــــــي **
نهار نشبحك راهو سعيد ايجينه

ومنعدن مشيت شنوا مازاللــــــــي ** خلاف العجوز
تكح في التركينــــه

يفعد اف بالي ديمــــــــــــــــــــــه ** كلمة صباح الخير والتبسيمــــــــه

نهار فرقتك راهو عجاج او غيمه ** المكتوب يغلب من
ايقول بغينــــــه

لايفيدنا توخير لاتقديـــــــــــــــمه **
مظاليم حتيبالدموع بكينــــــــــــــه

مكتوب هكي رايـــــــــــــــــــــــــد** ومرة رخي ووقات فيه شدايــــــد

وحبك مخلف في القلوب صــهايد ** مسافة اوطول
البعد ماينسينــــــــه

بنصبر او كان الصبر فيه افايـــد ** ومازال
بالهاتف ايواصل فينــــــــه

ما عاد غير اوهامـــــــــــــــــــه ** صاقل
ابسامه بو قطاطي قامـــــــــه

اتشيع السماعه تجيب كلامــــــه** ترد الرخاء في النفس وتغذيــــــــنه

وفكري تخايل كنها قدامـــــــــــه ** وكاس الهوا
من البعد ما يروينـــــه

جيتي عليا بعــــــــــــــــــــــــيدة **
والقلب ما باش المنام ايصيـــده

جــــــــــــــــــدد
غريـــــــــــــــــده **او
عــــــــــــــــــــــبرته وحنينـــه

محل سكنته معروف بالاكـــــــــيده ** مفهوم كان الحوش ليه مشينـــه

جت وقفتي احذا حـــــــــــــــــوشه ** سلم او حيا من اعروش اعروشه

ظهر صاحبه عامل هرج او دوشه**واحنا قعدنا نظحكوا
لثنينــــــــــه

الطماع ياخذ سلعته مغشوشـــــــه ** رطب بسر
عينته زمان كلينـــــــه

فرقته مصعــــــــــــــــــــــــــــــبها ** هللي كلينا عينته ورطبهـــــــــا

ومبروك يا شاري عقاب حطبـــها ** جنانك تهتر وقت
فيه رعينــــــــه

وراس راس منهو كبدتي عاطبها ** ماتهون لو ترفع قضيه فينـــــــه

الحب تم شروطـــــــــــــــــــــــــــه ** وانت دخلت وحسبتك مغلوطـــه

واللي ياخذ الطامح ايطبس لوطــه** وهالراى من مدة عليه نهينــــه

سمح الخجل او قصته ممشوطــه ** متنراصفه تسواد فوق جبيـــــنه

زين خجلـــــــــــــــــــــــــــــــــها **
وقصه كما ريش الغراب سبلهـا

وسالف محدر للوطي واصلـــــها ** والخد مثل الورد
في بساتينــــــه

ولاهي قصيرة العقل مايقبلــــــها ** ولاطول فات الحد وقوانينــــــــه

وربي عطاها زينها اوعدلـــــــها ** التشهير ما يصلحش بيه اوبيـنـه

عطيت اوصافــــــــــــــــــــــــــه ** سود الهذب مولي الخجل يتهافى

الخد بالحمورة تشبحه يشافـــــى** ذهب لابساته ما تفرق بينــــــــه

ولاهي ضعيفة جسم فيه لاطافــه ** ولاهيش وخشه مبهجة وسميـنه

سبطه مليحه تعجب العرافــــــه **
مطيرق ذهب في ايدين صياغينه

وكان حكت الصوت فيه لطافــه ** عسل زعتري صبوه في اماعينــه

لذيذ خبرهــــــــــــــــــــــــــــــــا ** وربي عطاها زينها او صورهــا

وراسك تزي بال من ناظرهـــــا ** ونزلت منازل وين ما ظنيــــــــنه

ونفسي عليها واش بيصبرهـــا ** اللي حبها والع معاى سنينـــــــه

صيفة غزال الجــــــــــــــــــوبه ** اللي مرتعه وين الخريف اشبوبه

مشى للمدينه رافعه مكتوبـــــه**** نهار فرقته صغرت الدنيا بيـــــــنه

يدور الفلك تسهال كل اصعوبه ** وكيف ما مشيتي
ترجعي وتجينــه

من طرف **Amer** السبت ديسمبر 25, 2010 9:13 am

شعر رائع

من طرف **gecol** السبت ديسمبر 25, 2010 4:08 pm

بارك الله فيك وفي شاعرنا الكبير سعد الشتيوي

ذكريات شاعر للشاعر سعد الشتيوي

ذكريات شاعر للشاعر سعد الشتيوي

رد: ذكريات شاعر للشاعر سعد الشتيوي

رد: ذكريات شاعر للشاعر سعد الشتيوي