في زحمة الحياة اسعد للحظات

واحد صحى على صوت زعيق، سأل الجيران: فيه ايه ياجماعة؟ قالوله: الماية مسممة، مراته صحيت سالته: فيه ايه؟ قالها: مفيش اشربى انت بس ونامى


واحد ندل أوي شاف واحد بيتحرق.. راح جري وأنقذه من النار وطفاها.. التلفزيون استضافه والمذيعة بتسأله: ياترى إيه سر شجاعتك العظيمة دي؟ قالها: أولا عشان مايموتش شهيد، وتانياً عشان يفضل طول عمره مشوه


مرة دكتور دخل عنبر فى سراية المجانين لقى واحد بيضرب نفسه بالشبشب، سأل الممرضة: ماله ده؟ قالت: أصله كان بيحب واحدة ومتجوزهاش.. دخل العنبر الى بعده لقى واحد بيخبط دماغه فى الحيطة، قالها: وده ماله، قالتله: اصل ده بقي الى اتجوزها

واحد غاوى صيد، اشترى كلب عشان يساعده فى احضار الفريسة، بس الكلب طلع بيخاف من صوت الرصاص.. واحد صاحبه نصحه يوديه أفراح بلدى كتير، عشان فيها ضرب نار وممكن يتعود عالصوت.. الراجل نفذ الفكرة وبعدما راح أفراح كثير، أخد الكلب معاه للصيد، وأول ما ضرب نار.. الكلب زغرط